Na rúa de D. Filiberto atópase un dos edificios máis cargados de lenda da cidade: A Casa das campás, hoxe sede pontevedresa do reitorado da universidade. 
Considerada como a construción civil máis antiga e mellor conservada de toda a cidade, a Casa das campás conserva a fachada do século XV con dous arcos conopiales de entrada así como os vans orixinais e algunhas labras heráldicas. Pero iso é arquitectura. Para a lenda é un edificio civil misterioso cun campanario, unido ao recordo do tesouro do capitán do "Burla negra", o pirata do barrio mariñeiro da moureira, Benito Soto.
Deste mariño que fixo súa a máxima “os mortos non falan”, cóntase que logo dos seus correrias por Cabo verde, Azores ou Canarias volveu á súa terra e antes de ser axusticiado polos ingleses en 1830, deixando entre as paredes desta casa unha gran fortuna.